ქცევითი თერაპია ეფუძნება მეცნიერებას დასწავლისა და ქცევის შესახებ. ქცევითი თერაპია იყენებს სხვადასხვა ქცევით ტექნიკას ნეიროგანვითარებითი დარღვევების დროს. ამგვარი თერაპიის მიზანი ბავშვებში პირველ რიგში, დადებითი, სოციალური ქცევების წახალისება/გაძლიერება და ნეგატიური, დესტრუქციული ქცევის შემცირებაა.
ამას გარდა, ქცევით თერაპია აუმჯობესებს ენისა და კომუნიკაციის უნარებს, კონცენტრაციას, სოციალურ ქცევასა და დასწავლის უნარებს, საგრძნობლად ამცირებს პრობლემურ ქცევას. თერაპია მუშაობს ყოველდღიური უნარების განვითარებაზე, როგორც ინდივიდუალურად, ასევე ჯგუფურად.
